Ons het nog ‘n oulike aanbieding vir ons Afrikaanssprekendes op die lyf geloop!
Kosie Opperman, ‘n ondernemende vrou van Wellington, het ‘n programmetjie geskryf waarmee kinders speel-speel leer om op ‘n rekenaar te werk. Dit is ‘n tweetalige produk en heet Slim Kabouters leer van Rekenaars/Clever elves learn computers . Dit is geskik vir kinders van 4 – 9 jaar oud, maar kleintjies wat nog nie kan lees nie, het ouerhulp nodig. Die CD kos R90 en die VVA kry ‘n ruim kommissie op elkeen wat ons verkoop. Baie dankie aan Kosie vir hierdie vergunning.