Die Vriende van Afrikaans het in 2003 ‘n borg gekry sodat ‘n voetslaankaart van Tafelberg in Afrikaans vertaal kon word. Mnr Mhlobo Jadezweni van die departement Afrikatale van die US het die kaart ook in isiXhosa vertaal. Dit is een van die eerste, indien nie die eerste, kaart in ‘n inheemse swart taal in Suid-Afrika nie. Die kaart bevat inligting oor 23 staproetes en ook die plantegroei op die berg. Dit kom in ‘n beskermende plastiekkoevertjie. Dit is beskikbaar in uitgesoekte boekwinkels en ook by die kantoor van die Vriende van Afrikaans teen R50.